Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organizata e Veteranëve të Luftës së UÇK-së ka shprehur mirënjohje të thellë për të gjithë ata që morën pjesë në protestën madhështore në Tiranë, duke përfshirë qytetarë nga Shqipëria, Kosova, Maqedonia e Veriut, Lugina e Preshevës, Mali i Zi dhe mërgata shqiptare anembanë botës. Në një postim zyrtar, organizata theksoi se zëri i bashkuar i shqiptarëve e bëri këtë ngjarje të paharrueshme dhe një dëshmi të fortë të solidaritetit kombëtar: “Zëri juaj i bashkuar e bëri këtë protestë madhështore dhe të paharrueshme.” Falënderime të veçanta u shprehën për:
- Institucionet shqiptare, qendrore e lokale, për mbështetjen dhe përkushtimin në organizimin e çdo detaji;
- Policinë e Shtetit, për kujdesin dhe mbarëvajtjen shembullore gjatë protestës;
- Mediat, pa të cilat zëri i protestës nuk do të kishte jehonën dhe madhështinë që meriton.
Organizata përmbyll mesazhin me një thirrje të fuqishme për bashkim dhe drejtësi: “Bashkë për drejtësi, bashkë për të vërtetën.” Ky reagim nënvizon dimensionin gjithëkombëtar të mbështetjes për ish-krerët e UÇK-së, si dhe rëndësinë e unitetit shqiptar në kërkesën për drejtësi dhe njohjen e sakrificës së luftës çlirimtare.
