OVL e UÇK-së, dega Deçan: Homazhe për Heroin e kombit Bahri Fazliu

Të nderuara familje të Dëshmorëve të Kombit, invalidë dhe veteranë të Luftës së UÇK-së, të nderuar qytetarë:

Me nderim të lartë dhe përulësi ju njoftojmë se më 31 gusht 2025 (e diel), do të mbahen homazhe përkujtimore për Heroin e Kombit, Bahri Fazliu, figurë e shquar e rezistencës sonë kombëtare dhe simbol i sakrificës për liri.

Homazhet do të zhvillohen në:
Qafë Bogiqe – Trekëndëshi kufitar Shqipëri–Kosovë–Mal i Zi, ora 11:00

Ky përkujtim është një moment i rëndësishëm për të kujtuar me respekt të thellë veprën dhe idealin e Bahri Fazliut, i cili së bashku me shokët e tij u bë pjesë e përjetshme e lavdisë sonë kombëtare.

Pjesëmarrja juaj në këtë aktivitet është nderim për gjakun e Dëshmorëve, për luftën e drejtë dhe të lavdishme të Ushtrisë Çlirimtare të Kosovës, si dhe një dëshmi se brezat e sotëm dhe të ardhshëm do të vazhdojnë ta mbajnë gjallë kujtimin dhe amanetin e tyre për liri e bashkim.

Me respekt të veçantë,
Organizata e Veteranëve të Luftës së UÇK-së – Deçan