Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organizata e Veteranëve të Luftës ka kërkuar publikisht shkarkimin e kryetarit të Kuvendit, Dimal Basha, pas publikimit të një hulumtimi akademik ku ai është bashkautor dhe në të cilin UÇK-ja përshkruhet si organizatë e lidhur me krimin dhe trafikun e drogës. Në një konferencë për media, kryetari i OVL-së, Hysni Gucati, tha se votimi i Bashës në krye të Parlamentit është i turpshëm për deputetët, pavarësisht përkatësisë së tyre partiake. “Dimal Basha thotë se në vitet e ’90-ta UÇK është financuar nga dilerët e drogës. Më vjen turp për deputetët tanë që e kanë votuar atë kryetar të Parlamentit”, deklaroi Gucati. Ai paralajmëroi se, në rast se nuk ndërmerren hapa për shkarkimin e Bashës, Organizata e Veteranëve do të ndërmarrë veprime. Gucati shtoi se OVL ka informacione për figura të tjera brenda Vetëvendosjes që, sipas tij, janë dëshmitarë në Gjykatën Speciale, dhe paralajmëroi se emrat e tyre mund të bëhen publik së shpejti.
