Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organizatat e dala nga lufta e Ushtrisë Çlirimtare të Kosovës mbajtën konferencë për medie gjatë të cilës folën për përgatitjet e bëra për protestën për Ramush Haradinaj e cila do të mbahet nesër. Kryetari i OVL të UÇK-së, Hysni Gucati theksoi se protesta ka për qëllim mbrojtjen e vlerave të luftës dhe të gjeneralit të shquar të Ushtrisë Çlirimtare të Kosovës, Ramush Haradinaj. Ndërkohë, kryetari i shoqatës së Familjeve të Dëshmorëve, Xhavit Jashari, theksoi se Ramush Haradinaj është një personalitet i jashtëzakonshëm. Drejtuesit e organizatave të luftës iu bënë thirrje të gjitha partive politike që të marrin pjesë në protestën për mbrojtjen e ish komandantit të Ushtrisë Çlirimtare të Kosovës për Zonën Operative të Dukagjinit. Kryetari i shoqatës së invalidëve të luftës së UÇK-së, Fadil Shurdhaj tha se protesta do të fillojë në orën 13:00, kurse, nisja nga të gjitha komunat do të bëhet në ora 11:00 nëpër stacionet e autobusëve të secilës komunë. Ai theksoi se transporti është i siguruar për të gjithë ata që duan të marrin pjesë.
