Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Asociacionit të Qytetarëve serbë të Qarkut të Mitrovicës, Rasha Rojeviq, ka njoftuar se prej sot në orën 18:00, do të fillojë bllokimi i pikave kufitare mes Kosovës dhe Serbisë. Në një deklaratë për agjencinë Beta, Rojeviq ka bërë të ditur se në këtë bllokadë do të marrin pjesë mbi 400 persona. Sipas Rojeviqit, bllokada do të vazhdojë derisa forcat policore të Kosovës të tërhiqen nga veriu i vendit dhe institucionet lokale t’u kthehen serbëve. Ai gjithashtu ka kërkuar që KFOR-i të marrë kontrollin e veriut të Kosovës, në përputhje me mandatin e Rezolutës 1244 të Kombeve të Bashkuara. Pikat kufitare që do të bllokohen përfshijnë Bërnjakun, Jarinjën, Merdarin dhe Kullën, ndërsa vendkalimi në Konçul për momentin nuk do të preket nga ky veprim.
