Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me 353 vota për, 145 kundër dhe 78 abstenime, Parlamenti Evropian ka miratuar një rezolutë të rëndësishme për Kosovën, duke shënuar një hap të ri në rrugën e saj drejt integrimit evropian. Debatit që i parapriu votimit i është bashkuar edhe komisionerja për Zgjerim të BE-së, Marta Kos, e cila theksoi nevojën urgjente për formimin e institucioneve në Kosovë. Rezoluta e miratuar inkurajon Kosovën të përshpejtojë reformat për anëtarësim në Bashkimin Evropian dhe u bën thirrje Kosovës dhe Serbisë të hapin një kapitull të ri në dialogun për normalizim, përmes zbatimit të marrëveshjeve të Brukselit dhe Ohrit – përfshirë themelimin e Asociacionit të komunave me shumicë serbe. Po ashtu, Serbia ftohet të mos e pengojë më anëtarësimin e Kosovës në organizata ndërkombëtare. Raportuesi për Kosovën në PE, Riho Terras, e përshëndeti mbështetjen e gjerë të partive kosovare për integrimin në BE dhe kërkoi heqjen e masave të BE-së ndaj Kosovës, të vendosura para dy vjetësh. Ai deklaroi se “e ardhmja e Kosovës është në familjen evropiane”.
