Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Parlamenti Evropian sërish u kanë bërë thirrje Qipros, Greqisë, Rumanisë, Sllovakisë dhe Spanjës, që ta njohin pavarësinë e Kosovës. Një thirrje që Parlamenti Evropian e ka përsëritur secilin vit në raportet për Kosovën, është përfshirë në tekst edhe kësaj radhe. Kjo është thirrja për njohjen e pavarësisë së Kosovës nga të gjitha vendet anëtare të Bashkimit Evropian. Pikërisht për këtë pikë janë paraqitur shumë amendamente, sidomos deputetët nga Spanja dhe vendet tjera që nuk e njohin Kosovën, duke u përpjekur që referencat për shtetësi të Kosovës të hiqen nga raporti. Kosova shteti më i ri në Evropë, shtetësinë e së cilës e kanë njohur 23 nga 28 vendet anëtare të Bashkimit Evropian, ka synime të qarta për integrim në BE. Duke pasur parasysh aspiratat e Kosovës për Bashkimin Evropian mos-njohjet të cilat kanë më tepër rëndësi janë ato nga pesë vendet anëtare të këtij organizmi: Qipro, Greqia, Rumania, Sllovakia dhe Spanja.
