Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputet të Partisë Demokratike e Kosovës dhe të Lidhjes Demokratike të Kosovës, kanë kërkuar dorëheqjen e kryeministrit, Albin Kurti. Ata kanë thënë se shefi i qeverisë ka dështuar ta avancojë Republikën e Kosovës në arenën ndërkombëtare, me theks të veçantë anëtarësimin në NATO. Deputeti i Partisë Demokratike të Kosovës, Hisen Berisha ka vlerësuar se deklarata e kryeministrit, Albin Kurti se “asgjë nuk i shërben paqes më shumë se anëtarësimi i Kosovës në BE dhe NATO”, janë populiste dhe për efekt elektoral si dhe që kanë për qëllim të ngrisin kauza për t’i mashtruar edhe njëherë qytetarët për marrjen e votave të tyre në zgjedhjet e ardshme. Edhe deputeti nga radhët e Lidhjes Demokratike të Kosovës, Armend Zemaj ka vlerësuar se thirrja e kryeministrit, Albin Kurti për anëtarësimin e Kosovës në NATO dhe e organizata tjera, është deklaratë vetëm për konsum të brendshëm politik sepse nuk ka veprime konkrete në këtë drejtim.
