Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Partia Socialiste e Shqipërisë dorëzoi në Kuvend një projekt-rezolutë, e cila dënon sulmin me armë në veri të Kosovës, ku u sulmua policia dhe për pasojë u vra rreshteri, Afrim Bunjaku. Kërkesë për mocion dhe miratim Projekt-Rezolutë “Për dënimin e sulmit të armatosur terrorist në Veri të Republikës së Kosovës dhe mbështetjen e përpjekjeve për garantimin e sigurisë dhe paqes në vend e në rajon”- thuhet në kërkesën drejtuar Kuvendit. Në rezolutë kërkohet që Serbia të hapë një hetim transparent për organizuesit e sulmit në Kosovë dhe të dorëzojë kriminelët. Po ashtu, PS kërkon që KFOR-i të shtojë trupat në veri, ndërsa i bën thirrje Amerikës e BE-së dhe aleatëve strategjikë, që të ngrenë në nivelin më të lartë alarmin dhe aksionin demokratik për të parandaluar rrezikun, që i kanoset sigurisë e paqes në Kosovë, në rajon e më gjerë. Partnerët të ushtrojnë ndikim për të ballafaquar Serbinë me rolin që ka pasur në sulm, thuhet ndër të tjera në projekt-rezolutë.
