Pas vendimit për largim nga institucionet e Kosovës, deputetët e Listës Serbe sot i kanë dorëzuar edhe mandatet e tyre në Kuvend, ka bërë të ditur shefi i kabinetit të kryetarit të Kuvendit, Ilir Kërçeli. Ai ka thënë se dorëzimin e ka pranuar zyrtarisht nga administrata. Të shtunën më 5 nëntor, Lista Serbe ka njoftuar për largimin e serbëve nga institucionet e Kosovës. Paralajmërimet e Listës Serbe për largim nga institucionet e Kosovës kanë ardhur pas vendimit të autoriteteve të Kosovës për suspendimin e drejtorit të Policisë së Kosovës për rajonin e veriut, Nenad Gjuriq, i cili ka refuzuar që të zbatojë vendimin e Qeverisë së Kosovës për riregjistrimin e makinave që kanë targa të lëshuara nga Serbia në RKS – Republika e Kosovës. Dje më 6 nëntor, kanë dhënë dorëheqje edhe kryetarët e katër komunave veriore.
Kontrolloni gjithashtu
Artan Grubi: Fitore historike në zgjedhjet presidenciale të Maqedonisë së Veriut, triumf për Maqedoninë Evropiane
Artan Grubi nga BDI-ja, pas rezultateve të para në zgjedhjet presidenciale të Maqedonisë së Veriut, …