Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Numri i personave që vdiqën nga uria duke agjëruar, me qëllim për të takuar Jezusin është rritur në 109 në qytetin Malindi të Kenias, transmeton Anadolu. Në një deklaratë nga policia e Kenias ndahet informacioni se është rritur në 109 numri i trupave të gjetur në pyllin Shakahola në afërsi të Kishës Good News International në Malindi. Në deklaratë thuhet se janë gjetur edhe 11 trupa, përfshirë dhe 5 fëmijë. Kryqi i Kuq i Kenias parashikon se janë 112 persona të zhdukur.
Pas akuzave lidhur me vdekjet në Kishën dhe Qendrën New Life Dua në rajonin Kilife, dje u arrestua prifti, Ezekiel Odero dhe u mbyll kisha e tij.
Odero, për të cilin thuhet se ka kryer misionarin në televizion dhe se është mjaft i njohur në mesin e popullit, theksohet se u arrestua në mesin e muajit dhe se nuk dihet nëse ka apo jo lidhje me Paul Mackenzie Nthenge, liderin e “Sektit Malindi” që njihet edhe si “Sekti i Urisë”.
Në lajmet e mediave vendase thuhet se Nthenge prifti i Kishës Good News International u kishte premtuar njerëzve se do të takonin Jezusin duke qëndruar të uritur. Policia po i vazhdon punimet e kërkimeve në zonën pyjore në rajonin, Shakahola.
