Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-ministri i Jashtëm i Shqipërisë, Paskal Milo, ka paralajmëruar se Kosova po shkon drejt izolimit ndërkombëtar për shkak të gabimeve strategjike dhe grindjeve të brendshme politike. Në një intervistë për “Real Story”, Milo tha se Kosova nuk po arrin të tërheqë më vëmendjen e faktorit ndërkombëtar, ndërsa Serbia ka fituar terren në skenën globale. Sipas tij, SHBA dhe Perëndimi po e shohin Serbinë si një vend me peshë më të madhe strategjike, me synim që ta largojnë nga ndikimi rus, por duke harruar se Beogradi po luan njëkohësisht me Uashingtonin, Brukselin, Moskën dhe Pekinin. “Grindjet e brendshme të klasës politike nuk tërheqin më vëmendje. Kosova po bën gabime të mëdha dhe të pafalshme, sepse nuk mund të mbijetojë pa mbështetjen e fuqishme të një faktori ndërkombëtar. Duhet të heqë dorë nga ambiciet e parealizueshme dhe të kërkojë një aleat të fortë”, theksoi Milo. Ai shtoi se Kosova nuk mund të jetë konkurruese në politikën rajonale pa një strategji të qartë dhe pa ndërtimin e një partneriteti të qëndrueshëm me aleatët ndërkombëtarë.
