Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Edhe pse Bashkimi Evropian dhe Këshilli i Evropës janë dy organizata të pavarura, sanksionet e BE-së mund të ndikojnë në anëtarësimin eventual të Kosovës në Këshillin e Evropës, këtë vit. Kështu mendojnë njohës të marrëdhënieve ndërkombëtare. Por, ka që mendojnë edhe ndryshe, e që thonë se pengesë me e madhe se masat e BE-së mund të jenë rezultatet e dialogut Kosovë-Serbi. Pas dorëzimit të aplikacionit në maj të vitit 2022, Kosova, në prill të këtij viti bëri një hap të rëndësishëm duke kaluar fazën e parë të anëtarësimit në Këshillin e Evropës. Ndërkohë, pas tensionimit të situatës në veri të vendit, në qershor, Bashkimi Evropian vendosi disa sanksione për Kosovën, duke kërkuar shtendosjen e situatës. Njohës të marrëdhënieve ndërkombëtare dhe zhvillimeve politike në Kosovë, kanë mendime të ndryshme për sa i përket ndikimit që mund të kenë sanksionet e BE-së në anëtarësimin eventual të Kosovës në Këshillin e Evropës.
