Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Partitë opozitare kanë vlerësuar se buxheti prej rreth 3 miliard euro, nuk është i mjaftueshëm për zhvillim të madh pasi niveli i inflacionit është tejet i lartë. Deputeti i Partisë Demokratike të Kosovës, Ferat Shala ka thënë se përveç kësaj, shqetësuese është edhe mënyra e shpenzimit të tij. “Shqetësimin më të madh e kemi tek mënyra e ndarjes, mënyra e klasifikimit, planifikimit dhe realizimit sepse gjithmonë po kemi planifikim të buxhetit, po themi deri diku të mjaftueshëm, por kur vije faza e realizimit dhe implementimit të tyre po ngecë dhe po kemi probleme” ka thënë për Ekonomia Online, deputeti, Ferat Shala. Ndërkohë edhe deputeti i Aleancës për Ardhmërinë e Kosovës, Pal Lekaj, ka thënë se buxheti i ndarë për vitin 2024 nuk është në favor të zhvillimit ekonomik dhe nuk përkrah ndërmarrësit. “Nuk përkrah zyrtarët publikë është një shtim prej pesë për qind që është mashtrim i kësaj qeverie. Kjo është mashtrim, është vlerë minimale dhe nëse e marrim sa i përket shtrenjtimit enorm të gjërave, kjo nuk i përket me kërkesat e zyrtarëve apo shërbyesve civili” ka theksuar mes tjerash, deputeti, Pal Lekaj.
