Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Partia Demokratike e Kosovës, ka shprehur mbështetjen e plotë për protestën e paralajmëruar nga organizatat e dala nga lufta e Ushtria Çlirimtare e Kosovës, duke e cilësuar atë si një reagim të drejtë qytetar dhe kombëtar. Në reagimin e saj, PDK thekson se kjo protestë synon mbrojtjen e dinjitetit të viktimave të luftës, të familjeve të tyre dhe të vlerave të luftës çlirimtare të popullit të Kosovës. Sipas partisë, çdo përpjekje për shtrembërimin e fakteve, relativizimin e krimeve apo rishkrimin e historisë është e papranueshme dhe duhet kundërshtuar me vendosmëri. “Mbrojtja e së vërtetës për luftën tonë është një detyrim shtetëror dhe moral. Duke ruajtur të vërtetën, ne njëkohësisht nderojmë viktimat dhe sakrificën e tyre”, thuhet në reagimin e PDK-së. Mbështetja nga PDK, pas asaj të Aleanca për Ardhmërinë e Kosovës, tregon për një mobilizim më të gjerë politik rreth kësaj proteste, e cila pritet të mbahet më 30 mars para Kuvendi i Kosovës.
