Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kreu i Partisë Demokratike të Kosovës, Memli Krasniqi, ka pritur sot në takim drejtuesit e Organizatës së Veteranëve të Luftës së Ushtrisë Çlirimtare të Kosovës të udhëhequr nga kryetari Hysni Gucati. Në këtë takim, për të cilin Krasniqi ka shpërndarë një postim në llogarinë e tij në Facebook, është diskutuar për sfidat me të cilat përballen kategoritë e dala nga lufta çlirimtare. Në përbërje të delegacionit të PDK-së ishin edhe anëtarët e Kryesisë, Jakup Nura dhe Rrahman Rama. Krasniqi theksoi rëndësinë e bashkëpunimit të ngushtë për të mbrojtur dhe forcuar vlerat e luftës çlirimtare. Ai shprehu mbështetje të plotë për kërkesat e OVL-UÇK-së, duke i cilësuar ato si legjitime dhe të drejta. Krasniqi po ashtu rikonfirmoi përkushtimin e PDK-së për mbështetje të vazhdueshme për kategoritë e dala nga lufta. “PDK ka qenë dhe do të mbetet shtëpia politike e luftëtarëve të lirisë,” përfundoi ai.
