Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Partia Demokratike e Kosovës ka konfirmuar se e respekton vendimin e fundit të Gjykata Kushtetuese e Republikës së Kosovës, duke e cilësuar atë si një akt të rëndësishëm për funksionimin e rendit demokratik në vend. Sekretarja e Përgjithshme e PDK-së, Vlora Çitaku, deklaroi se partia e saj ka qenë dhe mbetet konsistente në respektimin e institucioneve kushtetuese. “Ne e respektojmë vendimin e Gjykatës Kushtetuese si institucion kyç i rendit demokratik, ashtu siç kemi vepruar gjithmonë”, është shprehur ajo. Pas zhvillimeve të fundit politike, PDK ka reaguar menjëherë duke thirrur për nesër në orën 14:00 një mbledhje të përbashkët të Kryesisë dhe Grupit Parlamentar. Në këtë takim pritet të diskutohen situata e re politike, implikimet e aktgjykimit dhe strategjia e partisë për hapat e ardhshëm në skenën institucionale.
