Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Partia Demokratike e Kosovës do të mbajë Konventën e saj të Përgjithshme më 21 qershor 2025, me karakter zgjedhor. Lajmin e ka bërë të ditur sot në një konferencë për media Sekretarja e Përgjithshme e PDK-së, Vlora Çitaku. Ajo e cilësoi këtë Konventë, të njëmbëdhjetën me radhë, si një moment kyç për forcimin e strukturave dhe afirmimin e unitetit të brendshëm të partisë. Sipas saj, katër vitet e fundit nën udhëheqjen e Memli Krasniqit janë karakterizuar nga reformimi dhe rritja e PDK-së në skenën politike dhe në nivel ndërkombëtar. Nën udhëheqjen e Kryetarit Memli Krasniqi, kemi pasur vite pune, reforme dhe ringritjeje. Kemi shënuar fitore në zgjedhjet lokale dhe rritje të mbështetjes qytetare në zgjedhjet e 9 shkurtit,” tha Çitaku. Ajo konfirmoi se Memli Krasniqi është kandidati i vetëm për kryetar të partisë në këtë Konventë, gjë që sipas saj reflekton mbështetjen e gjerë dhe besimin në vizionin e tij për të ardhmen e PDK-së. Me këtë Konventë, ne nuk po përcaktojmë vetëm drejtimin e partisë, por po përgatitemi për drejtimin e vendit drejt fazës së re të zhvillimit dhe integrimit euroatlantik,” theksoi Çitaku. Ajo shtoi se Konventa e 21 qershorit është hyrja në një fazë të re elektorale për PDK-në, që do të kulmojë me zgjedhjet lokale të 12 tetorit.
