Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Një pikë e rendit të ditës e zhvilluar me dyer të mbyllura ka krijuar përplasje mes përfaqësuesve të partive në Komisionin Qendror të Zgjedhjeve. Përfaqësuesit e PDK-së, Ilir Gashi dhe Arianit Krasniqi, e braktisën mbledhjen në shenjë proteste, duke kundërshtuar miratimin e listës për komisionin e pranimit për pozitat e nivelit profesional. Gashi e cilësoi këtë pikë si “të kontrabanduar” dhe kërkoi largimin e saj nga rendi i ditës. Kryetari i KQZ-së, Kreshnik Radoniqi, sqaroi se kërkesa për ta futur këtë pikë ka ardhur nga kryesuesi i Këshillit për Personel, Alban Krasniqi, dhe se nuk shihte arsye për ta larguar. Ndryshe nga PDK-ja, përfaqësuesi i LDK-së, Sami Hamiti, dhe ai i AAK-së, Muharrem Nitaj, mbështetën përfshirjen e pikës, duke bashkuar votat me Vetëvendosjen, përfaqësuesit e pakicave dhe Listën Serbe. Me 9 vota pro dhe 2 kundër, rendi i ditës u miratua bashkë me pikën e kundërshtuar. Mbledhja për këtë çështje u zhvillua me dyer të mbyllura, ndërsa përfaqësuesit e PDK-së Gashi dhe Elshani e lëshuan sallën gjatë diskutimit.
