Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përveç kryetares së vendit, Vjosa Osmani edhe kryeministri, Albin Kurti ka përkujtuar betejen e Koshares e cila theu një segment të kufirit shqiptaro-shqiptar, pa e përmendur Ushtrinë Çlirimtare të Kosovës (!). Duke përkujtuar edhe këtë betejë të lavdishme të Ushtrisë Çlirimtare të Kosovës, ai ka shkruar se burra e gra të guximshëm dhanë gjithçka që të mund të jetonim të lirë. “Para se të kishim 9 Prillin si Dita e Kushtetutës, kishim 9 Prillin si Dita e Koshares. Në Betejën e Koshares, burra dhe gra të guximshëm dhanë gjithçka të mund të jetonim të lirë. Mos të harrojmë kurrë nga kemi ardhur, sepse atëherë ne gjithmonë do ta njohim rrugën e duhur përpara”, ka shkruar kryeministri, Albin Kurti pa përmendur askund udhëheqësen e kësaj beteje e shumë betejave tjera anekënd Kosovës për gati dy vite me radhë, Ushtrinë Çlirimtare të Kosovës.
