Policia e Kosovës mbanë ligjërata vetëdijësuese për nxënësit në Mitrovicë

15/06/2016 Institucionet

Organizuar nga KLSP, Këshilli i Shipolit, Policia e Kosovës dhe drejtoria për Mbrojtje dhe Shpëtim, në shkollën fillore “Fazli Grajqevci” në Shipol të Mitrovicës është mbajtur ligjëratë vetëdijësuese për nxënësit rreth rregullave të komunikacionit.

Sipas zyrtarëve të Policisë, ky projekt është në kuadër të strategjisë së Policisë dhe ka për qëllim rritjen e njohurive për pjesëmarrësit në komunikacionin rrugor, ku më së shumti pësojnë fëmijët.

Përpos ligjëratës së mbajtur nga ana e zyrtarëve policorë në objektin e shkollës “Fazli Grajqevci” ata mbajtën edhe pjesën praktike për rregullimin e trafikut në rrugët e  Shipolit, të Mitrovicës. Kjo punë praktike u mbajt nga Policia bashkë me nxënësit, të cilët u trajnuan për njohjen e dispozitave ligjore të komunikacionit.

Arsim Idrizi, ligjërues dhe zyrtar policor pranë stacionit policor të Mitrovicës tha se projekti ka për qëllim vetëdijesimin e fëmijëve për rregullat e komunikacionit në mënyrë që të shmangen sa më shumë aksidentet.

“Ky projekt ka për qëllim vetëdijesimin e nxënësve dhe fëmijëve dhe sjelljen në rrugë, përkatësisht sjelljen në komunikacion.

Mendoj që sado pak përmes kësaj pjese praktike në teren do të arrijmë vetëdijesimin e nxënësve mbi sjelljen në trafik”, tha Idrizi.

Me këtë rast  u kërkua nga nxënësit që të jenë më të vëmendshëm gjatë kalimit të rrugës dhe të vrojtojnë shenjat e komunikacionit me saktësi në mënyrë që t’u shmangen sa më shumë aksidenteve në trafik.

Kontrolloni gjithashtu

Në komunën e Rahovecit mbahet mbledhja e KKSB, e treta për këtë vit

Kryesuesi i mbledhjes, Kryetari i Komunës së Rahovecit, Smajl Latifi, theksoi se situata e përgjithshme …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara