Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Po bëhen 18 vjet pas përfundimit të luftës dhe shumë qytetarë të Kosovës të vrarë mizorisht nga forcat serbe ende rezultojnë të zhdukur. Janë më shumë se 1 mijë e 600 trupa të vrarë fati i të cilëve nuk dihet ende. Janë po ashtu rreth 300 mbetje mortore të tjera të cilat gjenden në Morgun e Prishtinës, identiteti i të cilëve ende nuk është zbuluar.
Kryetari i Komisionit për Persona të Pagjetur, Prenk Gjetaj, kërkon nga shteti serb t’i hapë dosjet dhe të tregojë se ku janë të varrosur trupat e shqiptarëve të vrarë gjatë luftës në Kosovë. Me palën serbe është grupi punues, i cili po merret, jemi duke dialoguar lidhur me gjetjen e fatit të personave të zhdukur. Tash në mars do të mbahet takimi i radhës, dhe normalisht ne do të insistojmë që pala serbe të na jap përgjigje lidhur me informacionet tona të mëparshme. Do të vazhdojmë të bëjmë presion që të hapen arkivat. Do të hulumtohen arkivat e Serbisë, ka thënë Gjetaj për gazetën “Fjala”.
