Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në faqen e vet zyrtare në “Facebook” presidenti i vendit Thaçi ka shkruar se Forca e Armatosur e Kosovës do të jetë një forcë multietnike, me përfaqësim të të dy gjinive, me profesionalizëm dhe përgatitje sipas standardeve të NATO-s dhe e gatshme që të kontribuojë për paqe në Kosovë, në rajon dhe në botë. “Vargut të lajmeve të gëzueshme për të gjithë ata që ia duan të mirën Kosovës iu shtua edhe ai nga Kongresi Amerikan që i bëri thirrje Administratës Amerikane të përgatisë Kosovën për programin e NATO-s, Partneriteti për Paqe. FSK-ja është e gatshme të bëhet Forca e Armatosur e Kosovës, që do të jetë një forcë multietnike, me përfaqësim të të dy gjinive, me profesionalizëm dhe përgatitje sipas standardeve të NATO-s dhe e gatshme që të kontribuojë për paqe në Kosovë, në rajon dhe në botë. Institucionet e Kosovës duhet sa më shpejtë të marrin vendimin për themelimin e Forcës së Armatosur të Kosovës. Miqësia jonë me SHBA-në është mirënjohje por edhe obligim që të vazhdojmë të punojmë për t’i kryer të gjitha detyrat dhe përgjegjësitë tona”, ka shkruar Thaçi.
