Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Prodhuesit e blloqeve për ndërtim deklarojnë se do të kenë pasoja negative nga heqja e taksës nga Qeveria e Kosovës për blloqet e argjilës për ndërtim, të prodhuar në Serbi. Ata kanë theksuar se me heqjen e taksës, blloqet me origjinë nga Serbia do hyjnë më lirë në tregun e Kosovës, për rreth 10 për qind të çmimit dhe kjo do të ndikoj dukshëm në të hyrat e kompanive të Kosovës që prodhojnë materiale të tilla ndërtimore. Ilir Dula, zëvendësdrejtor në kompaninë “Rizam Holding” në Prizren ka dejklaruar për adion Evropa e Lirë se kompania e tyre prodhon 12 milion blloqe të tilla në vit por tani që i është mundësuar Serbisë të eksportoj prodhime të tilla në Kosovë, do të ndikoj në uljen e sasisë së prodhimit dhe kjo do të reflektohet në të ardhurat e 75 punonjësve në fabrikë e tyre. Edhe kryetari i Shoqatës së Prodhuesve të Materialit Ndërtimor nga Argjila, Mustafë Borovci, njëherësh pronar i kompanisë “Brickos” në Gjilan, ka deklaruar për Radion Evropa e Lirë se shfuqizimin e kësaj mase, prodhuesit vendor i vë në konkurrencë të ashpër me prodhuesit e Serbisë, të cilët subvencionohen në forma të ndryshme nga shteti i tyre. Ai ka thënë se gjatë pesë vjetëve sa ka qenë në fuqi kjo masë, është përmirësuar dukshëm situata financiare e kësaj industrie. Sipas Borovcit, në Kosovë operojnë tetë kompani për prodhimin e blloqeve ndërtimore me rreth 1 mijë e 200 punëtorë. Dampingu nënkupton importin e mallrave në Kosovë, me një çmim më të ulët të eksportit, sesa çmimi i krahasueshëm për produktin e ngjashëm të destinuar për konsum në kushtet normale të tregut në vendin eksportues.
