Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Profesori dhe analisti, Milazim Krasniqi ka shkruar se Albin Kurti nuk mund të bëhet me asgjë lider i mirëfilltë populist. Dy karakteristika të liderit popullor, janë investimet e mëdha në zonat kryesore të shtetit dhe instrumentalizimi me sukses i nacionalizmit. Ndërsa Albin Kurti ka bërë saktësisht të kundërtën e kësaj: ka bllokuar çdo investim dhe ka hequr dorë nga propaganda e dikurshme nacionaliste. Ka dëbuar nga vendi konzorciumin “Kontur Gllobal”, i cili planifikonte të ndërtonte termocentralin Kosova e Re. Ka penguar investimin për gazin amerikan. Ka bllokuar autostradën për Pejë. Nuk ka nisur asnjë projekt zhvillimor. Ndërsa lidhur me bashkimin kombëtar, për t’u dukur tamam karikaturë e një lideri populist, mu te varri i Skenderbeut në Lezhë, pati zbuluar se Kushtetuta nuk e lejonte bashkimin kombëtar. Kurti po provon vetëm një karakteristikë të liderit populist: po tenton ta forcojë pushtetin ekzekutiv në dëm të pushtetit gjyqësor. Por deri sot nuk ka pasur asnjë sukses. Përkundrazi, tentimi i është kthyer si bumerang: duke ia arrestuar e proceduar eksponentët e partisë së tij, pushteti gjyqësor është forcuar dhe e ka përmirësuar imazhin e vet në sytë e publikut. Bile mund të thuhet se pushteti gjyqësor në njëfarë mënyre e ka futur edhe vetë Kurtin në birë të miut.
