Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Organizatës së Veteranëve të Luftës së UÇK-së, Hysni Gucati, ka njoftuar se më 14 shtator do të organizohet një protestë në Hagë kundër, siç e quajti ai, padrejtësive të Gjykatës Speciale ndaj pjesëtarëve të UÇK-së. Gucati ka bërë thirrje për pjesëmarrje masive, duke theksuar se protesta do të mbahet në orën 14:00 para Dhomave të Specializuara. “Gjykata Speciale, e themeluar nën pretekstin e drejtësisë, është shndërruar në një farsë politike. Krerët dhe pjesëtarët e Ushtrisë Çlirimtare po mbahen padrejtësisht, ndërsa faji po iu ngarkohet atyre që luftuan për çlirimin e Kosovës,” ka shkruar Gucati. Ai u bëri thirrje qytetarëve të bashkohen për të ngritur zërin kundër asaj që e cilëson si drejtësi të njëanshme dhe procese të motivuara politikisht. Protesta pritet të mbahet para objektit të Gjykatës në Hagë, në mbështetje të ish-krerëve të UÇK-së që ndodhen në paraburgim apo procese gjyqësore në këtë institucion.
