Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Qeveria e Kosovës në reagimin e saj ka shkuar aq larg sa aksionin simbolik të Vetëvendosjes ndaj veturës së ministrit, Skender Hyseni, e ka quajtur ‘akt kriminal’. Ndonëse aktivistët e Vetëvendosjes hodhën vetëm ngjyrë në veturën e ministrit të Brendshëm, Qeveria e Isa Mustafës konsideron se është rrezikuar shëndeti dhe jeta e ministrit të saj poltron. “Lëvizja Vetëvendosje me këtë veprim dëshmoi edhe njëherë se është në gjendje të rrezikoj jetën e qytetarëve të vendit dhe të përfaqësuesve legjitim të institucioneve, me qëllim të realizimit të skenarëve të saj kundër shtetit të Kosovës. Siç ka ndodhur edhe në muajt e kaluar, Lëvizja Vetëvendosje po angazhohet që të dëmtojë progresin e Kosovës në proceset eurointegruese, përkatësisht po bën përpjekje që të pamundësojë lëvizjen e lirë të qytetarëve në vendet e BE-së, siç ka bërë edhe në të kaluarën kur me veprimet e saj ka pasur ndikim në mos anëtarësimin e Kosovës në UNESCO dhe ka dëmtuar ndjeshëm imazhin e shtetit”, thuhet në reagimin e Qeverisë.
