R. Haradinaj: Heroizmi dhe sakrifica e dëshmorëve do të jetë përherë udhërrëfyes në rrugën tonë të shtetndërtimit

05/05/2021 Lajmet

Tema të tjera...

Me rastin e Ditës së Dëshmorëve të Kombit, kreu i Aleancës për Ardhmërinë e Kosovës (AAK), Ramush Haradinaj ka vazhduar me homazhe në nderim të heroizmit dhe sakrificës së të rënëve për lirinë e Atdheut. Përmes një postimi në llogarinë e tij në Facebook, Haradinaj ka thënë se obligim i përbashkët është nderimi dhe kujtimi për përpjekjeve tona historike për liri. “Me rastin e 5 Majit, Ditës së Dëshmorëve të Kombit Shqiptar, vazhduam me homazhe në Deçan, ku me respekt nderuam luftëtarët e Brigadës 131 “Jusuf Gërvalla”, e gjithashtu nderuam të gjithë të rënët për liri dhe dinjitet kombëtar në të gjitha trevat tona, në periudha të ndryshme historike. Është obligim yni i përbashkët të kujtojmë e nderojmë veprën, guximin e sakrificën e përpjekjeve tona historike për liri”, ka shkruar Haradinaj. Ai ka thënë se heroizmi dhe sakrifica e dëshmorëve të kombit do të jetë udhërrëfyes në rrugën e faktorizimit të shqiptarëve në rajon. “Heroizmi dhe sakrifica e dëshmorëve të kombit, do të jetë përherë udhërrëfyes në rrugën tonë të shtetndërtimit dhe të bërjes së faktorit shqiptar në rajon – faktor i vërtetë i paqes, stabilitetit dhe zhvillimit”, ka përfunduar Haradinaj.

Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.

R. Haradinaj: Heroizmi dhe sakrifica e dëshmorëve do të jetë përherë udhërrëfyes në rrugën tonë të shtetndërtimit

Tema të tjera...

Kontrolloni gjithashtu

Në Vlorë emërtohet sheshi ‘Adem Jashari’, familja falënderon Shqipërinë për nderimin ndaj Kryekomandantit