Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ramadan Morina, i dyshuar për krime lufte kundër popullsisë civile, është paraqitur sot para Gjykatës Themelore në Prishtinë, ku pritet të vendoset për caktimin e masës së paraburgimit ndaj tij. Arrestimi i Morinës u bë i ditur këtë javë nga Prokuroria Speciale e Kosovës dhe Policia e Kosovës. Sipas hetimeve, ai dyshohet se gjatë periudhës 29–31 mars 1999, në bashkëkryerje me pjesëtarë të forcave policore dhe ushtarake serbe, ka marrë pjesë në masakrën e 34 civilëve shqiptarë në fshatin Burim të Komunës së Malishevës. Prokuroria ka bërë të ditur se Morina, i cili jetonte në Serbi dhe punonte si taksist, është identifikuar përmes provave materiale dhe dëshmive të dëshmitarëve okularë e të mbijetuarve të ngjarjes.
