Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidati i AAK-së, për kryeministër, Ramush Haradinaj, i pyetur lidhur me deklaratën e ministres së Punëve të Jashtme, Donika Gërvalla-Schëarz, e cila gjatë një tubimi në Deçan e quajti atë “gjeneral të vetëshpallur”. Haradinaj, theksoi se pushteti aktual po kupton që “s’e ka punën mirë” dhe kjo po u shkakton nervozizëm. Ka qenë detyra ime me ja u hjekë maskat, me qitë ashtu si janë, çfarë janë dhe ja po e shihni vetë si janë”. Duke iu përgjigjur etiketimit si “gjeneral i vetëshpallur”, Haradinaj theksoi se një nga gradat e tij ushtarake e ka marrë nga NATO dhe është dhënë nga një oficer gjerman. Ai shtoi me ironi se oficeri i referuar është nga i njëjti vend ku është rritur Gërvalla. Çfarë faji kam që më 24 mars 1998 jam sulmuar në familje nga Milloshi? Atë ditë aty ishte nëna dhe të tjerë. Unë nuk kam faj që Milloshi më gjuajti mua në shtëpi. Kujt i bën dëm kjo, që kam arritur të krijoj ushtrinë me miratimin e Pentagonit? A i bëj keq Kosovës që më kanë pritur qëllimshëm në zyrën e sekretarit të Mbrojtjes? Grada e gjeneralit është rezultat i angazhimit tim për çlirim, dhe më pas NATO ma ka dhënë atë.
