Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Aleancës për Ardhmërinë e Kosovës, Ramush Haradinaj, ka deklaruar se AAK-ja nuk do të hyjë në koalicione parazgjedhore për zgjedhjet e 28 dhjetorit, duke përjashtuar vetëm mundësinë e një liste të përbashkët të gjithë opozitës. Haradinaj tha se ishte përkrahës i idesë së bashkimit të subjekteve opozitare edhe në proceset e kaluara zgjedhore, por mungesa e gatishmërisë e ka bërë të pamundur një marrëveshje të tillë. Nuk bëjmë kësaj here koalicion me askënd. I vetmi ndryshim do të ishte një listë e përbashkët e krejt opozitës. Kam qenë ithtar edhe në zgjedhjet e mëhershme, por s’ka pasur gatishmëri. Tani është vonë, theksoi ai. Haradinaj përjashtoi kategorikisht mundësinë e koalicioneve klasike me partitë e mëdha opozitare, si PDK, LDK apo subjekte tjera, duke nënvizuar se kësaj radhe AAK-ja, do të garojë e vetme. Megjithatë, ai u shpreh i hapur për bashkëpunim me parti më të vogla, të cilat mund të përfshihen brenda listës zgjedhore të AAK-së.
