Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ramush Haradinaj, kandidat për kryeministër nga AAK-j, ka kritikuar qeverinë e Albin Kurtit, duke e akuzuar për shkelje ligjore në lidhje me kontratat njëburimore dhe për keqpërdorim të tenderëve. Praktikat e qeverisë aktuale janë të kundërligjshme dhe se shumë nga zyrtarët e saj do të përballen me drejtësinë. Duke theksuar akuzat për korrupsion, Haradinaj e akuzoi Kurtin për përplasje të qëllimshme me institucionet e drejtësisë sa herë që fillohen hetime kundër tij dhe qeverisë për çështje të dyshimta financiare. Unë besoj që shumë prej tyre do të përfundojnë në burg për kontratat njëburimore. Sa herë që prokuroria e heton për korrupsion, a e keni vërejtur se Kurti sulmon prokurorinë? tha Haradinaj. Kur u pyet për mundësinë e ndonjë ndëshkimi penal për kryeministrin aktual, Haradinaj u shpreh se Kurti është një “kandidat serioz” për të përfunduar në burg për përfshirjen e tij në veprimtari të paligjshme.
