Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Autoritetet për informim të KFOR-it, në veri të Kosovës, kanë deklaruar për mediet se si rezultat i tendosjes së situatës, mes Kosovës e Serbisë, që në muajt e parë të këtij viti, në Kosovë ishin dislokuar 500 trupa turke nga forca rezervë operacionale e NATO-s për Ballkanin Perëndimor, forca të cilat në shtator i kanë zëvendësuar trupat bullgare dhe greke. KFOR-i po ashtu bën të ditur se do të ketë edhe përforcime të tjera nga aleatët. Anglia i vendos edhe rreth 200 ushtarë nga Batalioni i Parë i Regjimentit Mbretëror të Princeshës së Uellsit për t’iu bashkuar një kontingjenti prej 400 trupash të Mbretërisë së Bashkuar që tashmë po ushtrohen, në Kosovë. Ne i bëjmë thirrje Beogradit dhe Prishtinës që të angazhohen sërish në dialogun e ndërmjetësuar nga BE-ja, si mënyra e vetme për të arritur paqen dhe stabilitetin e qëndrueshëm për të gjitha komunitetet. Të gjitha palët duhet gjithashtu të përmbahen nga retorika nxitëse, e cila është kundër-produktive dhe rrezikon përkeqësimin e mëtejshëm të tensioneve, kanë thënë autoritetet e KFOR-it.
