Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nyjës rreth taksës ndaj mallrave nga Serbia dhe Bosnjë-Hercegovina nuk i është dhënë zgjidhje as pas vizitës së nënsekretarit amerikan, David Hale. Kërkesa për pezullimin e kësaj mase, në mënyrë që t’i hapet rrugë dialogut, ka dominuar takimin e së shtunës mes amerikanit dhe udhëheqësve institucionalë. Rritja e presionit ndërkombëtar për pezullimin e taksës vetëm sa ka thelluar përçarjen mes partnerëve të koalicionit. Haradinaj e Veseli vazhdojnë të shihen bashkë vetëm në takime me ndërkombëtarët, ku temë kryesore është taksa. Kryekuvendari Veseli, vazhdon të trumbetojë deklarativisht se nuk do të lejojë rrezikimin e raporteve ndërmjet Kosovës dhe SHBA-së, të cilat kanë arritur pikën më të ulët. Por janë mbushur më shumë se një muaj qëkur Veseli kishte dalë me propozimin e tij për pezullimin e taksës për 120 ditë, pas takimit të zhvilluar me ambasadorin amerikan, Philip Kosnett.
