Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Krenar që e njohëm, e patëm mik, bashkëveprimtar e bashkëluftëtar dhe idol Bacën Ahmet!
Kur themi se ishte i veçantë Prof. Ahmet Qeriqi, e kemi parasysh se ishte shumëdimensional, sa nuk ka tjetër të kompletuar me të gjitha sa ishte i kompletuar ai. Baca Ahmet ishte me kulturë të gjerë, i shkolluar, i arsimuar, ishte poliglot dhe i edukuar me traditë familjare e taban kombëtar – me rrënjët e parardhësve kombëtarë!
Veprimtar patriot i devotshëm, vuajtës, i prangosur e i torturuar! Luftëtar dhe çlirimtar i Kosovës, shkrimtar e zëdhënës i luftës dhe i lirisë, kronist, analist dhe krijues i palodhshëm!
Ndoshta më mirë të mos i numëroja krejt këto, sepse prapëseprapë nuk do të mund të thosha të gjitha! Me një fjalë: ai i kishte të gjitha virtytet maksimale njerëzore, si askush tjetër!
Sa herë gjurmojmë në rrugën dhe veprat e tij, jam i bindur se çdo herë që kërkojmë për Ahmet Qeriqin, përveç veprave dhe gjurmëve të përhershme që i ka lënë vetë Ahmeti, pikë referimi, orientimi e sqarimi i kemi edhe pasardhësit e të madhit e të pavdekshmit Ahmet Qeriqi!
