Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komandant Sadik Halitjaha ka reaguar ashpër publikisht ndaj një fotografie ku janë bashkuar figura të ndryshme me çlirimtar të luftës, me mercenarë, të cilën ai e cilëson si tentim për përçarje dhe fyerje ndaj vlerave të UÇK-së. Në reagimin e tij, Halitjaha u shpreh se përzierja e çlirimtarëve me tradhtarë e mercenarë, madje nën emblemën e UÇK-së të shoqëruar me mbishkrimin “FARK”, është një akt i papranueshëm. “Ky mund të jetë ndonjë portal apo individ sharlatan i paguar për përçarje! Shihet qartë si janë përzier patriotët me tradhtarët nën emblemën e UÇK-së të stërkequr me atë mbishkrim FARK. Po të kishte ligj për vlerat e luftës, kjo do të ishte shkelje, përbuzje dhe fyerje me tjetërsimin e emblemës së UÇK-së,” ka shkruar ai. Halitjaha ka apeluar tek bashkëluftëtarët që të mos bien pre e, siç i quajti ai, “fosileve anti-kombëtare”, duke theksuar se edhe pas 25 vitesh nga çlirimi, ka njerëz që tentojnë të njollosin vlerat e luftës, ka përfunduar ai.
