Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Lidhjes Demokratike të Kosovës, Lumir Abdixhiku, ka pritur në takim Përfaqësuesin e Posaçëm të Norvegjisë për Ballkanin Perëndimor, Eirik Nestas Mathisen. Gjatë takimit u diskutua për zhvillimet aktuale politike në vend, sfidat institucionale dhe domosdoshmërinë e krijimit të institucioneve funksionale. Abdixhiku përsëriti qëndrimin e LDK-së se formimi i një Qeverie të Unitetit është zgjidhja më e mirë për tejkalimin e krizës politike dhe për garantimin e stabilitetit. Një ndër temat qendrore të diskutimit ishte edhe çështja e sanksioneve të vendosura nga Bashkimi Evropian ndaj Kosovës. Kryetari i LDK-së shprehu shqetësimin për pasojat e këtyre masave në procesin integrues të vendit dhe kërkoi rishikimin dhe heqjen e tyre, si një hap i rëndësishëm drejt forcimit të orientimit euroatlantik të Kosovës. Në fund të takimit, Abdixhiku falënderoi diplomatin norvegjez për vizitën dhe për mbështetjen e vazhdueshme që Norvegjia i jep Kosovës në rrugën e saj demokratike dhe euroatlantike.
