Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sekretari i përgjithshëm i NATO-s, Mark Rutte, ka reaguar ashpër ndaj kundërshtimeve të Rusisë për vendosjen e trupave të huaja në Ukrainë, si pjesë e garancive të sigurisë. Në një konferencë për shtyp, Rutte u pyet mbi refuzimin e Moskës për praninë e forcave të NATO-s në territorin ukrainas. “Pse duhet të na interesojë se çfarë mendon Rusia për trupat në Ukrainë? Ukraina është një vend sovran. Nuk është në dorën e tyre të vendosin,” deklaroi Rutte. Ai theksoi se Rusia nuk ka asnjë të drejtë të ndërhyjë në vendimet e Ukrainës, veçanërisht kur ato lidhen me masat e sigurisë që mund të kontribuojnë në arritjen e një marrëveshjeje paqeje. “Nëse Ukraina dëshiron forca garantuese sigurie për të mbështetur paqen, kjo është çështje e tyre. Askush tjetër nuk mund të vendosë për këtë,” shtoi ai. Duke ironizuar perceptimin e fuqisë së presidentit rus Vladimir Putin, kreu i NATO-s tha: “Duhet të ndalojmë së bëri Putinin më të fuqishëm seç është. Ai është thjesht si një guvernator i Teksasit, asgjë më shumë. Nuk duhet ta marrim aq seriozisht.”
