Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetari i qytetit ukrainas, Mariupol, Sergej Orlov, ka njoftuar se ky qytet është nën sulme të vazhdueshme të trupave ruse. Ai u ka bërë thirrje liderëve të NATO-s të dërgojnë trupa në Ukrainë, pasi që Rusia nuk do të ndalet derisa vendin e tij ta shndërrojë në shkretëtirë dhe të vrasë shumë civilë. Sergei Orlov tha për mediet se “nuk ka ndonjë mënyrë sesi të ndalet Putini i cili po vret civilë nga qielli, përveç nëse NATO zgjohet dhe e kupton se nuk bëhet fjalë për konflikt rajonal, por thjesht është një luftë kundër demokracisë, lirisë dhe një prej kombeve më të mëdha në Evropë”. Presim që një ditë liderët e NATO-s do ta kuptojnë se do të jetë plotësisht e nevojshme ndërhyrja e drejtpërdrejtë ushtarake, për ta përkrahur Ukrainën dhe për ta ndalur Putinin”, shtoi Orlov.
