Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti shqiptar i Kosovës Lindore në Kuvendin e Serbisë Shaip Kamberi, ka bërë të ditur se nënkryetarja e Kuvendi të Serbisë, Snezhana Paunoviq, ka kërkuar arrestimin ose dëbimin e tij. Shaip Kamberi ka thënë se Paunoviq kërkon të arrestohet deputeti i cili në seancën parlamentare, duke shfrytëzuar lirinë e mendimit dhe shprehjes – liri kjo e “garantuar” me Ligjin për Kuvendin – rreth një pike të rendit të ditës duke kërkuar udhëheqjen e politikës së ballafaqimit me realitetin. “Kur është në pyetje Kosova, inkuizicioni në Serbi që moti ka marrë hov, duke i cilësuar tradhtar apo armiq të Serbisë ata që hapur flasin cili është realiteti rreth Kosovës. Tani, ky inkuizicion është bërë edhe parlamentar. Po fole të vërtetën të kërcënojnë se do të djegin në turrën e druve. Kjo është ajo që ka kërkuar deputetja Paunoviq – nënkryetare e parlamentit”, ka nënvizuar Shaip Kamberi.
