Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shtetet e Bashkuara të Amerikës dhe Gjermania kanë lëshuar deklarata të ashpra ndaj qeverisë në detyrë të Kosovës, të udhëhequr nga Albin Kurti, duke e akuzuar për veprime që nxisin tensione dhe rrezikojnë stabilitetin. Javën e kaluar, shefja e ambasadës amerikane në Prishtinë, Anu Prattipati, tha për media se SHBA-ja është “tejet e zhgënjyer” me Kurtin për shkak të veprimeve të tij politike ndaj komunitetit serb. Menjëherë më pas, Uashingtoni njoftoi ndërprerjen e Dialogut Strategjik me Kosovën. Sipas SHBA-së, paralajmërimet për të shmangur manovrat politike në veri janë injoruar nga qeveria në detyrë, duke rritur pasigurinë në vend. Kritika të ngjashme erdhën edhe nga Gjermania. Diplomati për Ballkanin Perëndimor, Michael Reiffenstuel, e cilësoi shqetësues shënjestrimin e institucioneve shëndetësore të drejtuara nga Serbia, duke theksuar se këto veprime dëmtojnë qytetarët dhe rëndojnë marrëdhëniet bilaterale me Berlinin. Në më pak se tri ditë, Kurti u përball me dy paralajmërime të forta nga dy prej aleatëve më të rëndësishëm të Kosovës – SHBA-ja dhe Gjermania.
