Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shtetet e Bashkuara të Amerikës kanë dënuar granatimet vdekjeprurëse në një strehimore të Kombeve të Bashkuara në Rripin e Gazës, nga i cili janë vrarë e plagosur dhjetëra njerëz. “Ne dënojmë sulmin e sotëm në qendrën e trajnimit të OKB-së në Han Junis”, ka theksuar zëdhënësi i Departamentit amerikan të Shtetit, Vedant Patel. Ai ka shtuar më tutje se edhe sekretari amerikan i Shtetit, Antpni Blinken ka theksuar kohë m parë se civilët duhet të mbrohen dhe natyra e mbrojtur e ndërtesave të OKB-së duhet të respektohet. “Punëtorët humanitarë duhet të mbrohen në mënyrë që ata të vazhdojnë t’iu japin ndihmë humanitare civilëve”, ka deklaruar mes tjerash, zëdhënësi i Departamentit amerikan të Shtetit, Vedant Patel. Duke folur për këtë sulm, drejtori i Agjencisë së OKB-së për refugjatët palestinezë tha se dy predha tankesh goditën një ndërtesë ku po strehoheshin 800 persona në qytetin jugor të Han Junisit. Si pasojë e këtij sulmi raportohet se janë vrarë nëntë persona dhe 75 të tjerë janë plagosur.
