Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Analisti politik Shemsi Jashari ka kritikuar kryeministrin në detyrë të Kosovës, Albin Kurti, për ndikimin e tij, siç tha, përçarës në skenën politike shqiptare. Në një prononcim për media, Jashari u shpreh se ndikimi i Kurtit nuk është kufizuar vetëm brenda Kosovës, por është shtrirë edhe në vendet ku jetojnë shqiptarët. Sipas tij, kryeministri ka pasur ndikim të madh në diasporë dhe në hapësirat shqiptare jashtë vendit, si në Maqedoninë e Veriut dhe në Luginën e Preshevës, ndërsa në Shqipëri “ende nuk ka arritur të ndezë shumë zjarre politike”. “Përçarja s’ka qenë vetëm në Kosovë, por edhe në vendet ku ka shqiptarë. E shohim në Maqedoni, në Luginë. Për fat të mirë, në Shqipëri nuk i ka ndezur shumë,” tha Jashari. Analisti shtoi se qasja politike e Kurtit ka krijuar ndasi të panevojshme mes shqiptarëve, në vend që të ndërtojë bashkëpunim gjithëkombëtar.
