Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shqipëria dhe Shtetet e Bashkuara të Amerikës konsiderohen dy partnerët më të rëndësishëm politikë e ekonomikë nga qytetarët e Kosovës. Këtë e tregon një sondazh mbarëkombëtar në Kosovë nga Qendra për Perceptime në Hulumtime të Institutit Republikan Ndërkombëtar, i publikuar ditë më parë. Rreth 93% e të anketuarve e shohin Shqipërinë dhe Amerikën si partnerët politikë më të rëndësishëm të Kosovës, pasuar nga Gjermania me 92% dhe Turqia me 84%. Pothuajse në të njëjtën nivel Shtetet e Bashkuara (93%) dhe Shqipëria (92%) shihen edhe si partnerët më të rëndësishëm ekonomikë. Lista vijon me Bashkimin Evropian (92%), Turqinë (88%) e Maqedonia e Veriut (70%). Në masë të madhe të të anketuarve, rreth 93%, mendojnë se politika e jashtme duhet të jetë pro-perëndimore dhe pro-Bashkimit Evropian. Ky mendim është në rritje në krahasim me shtatorin e vitit 2021, kur të njëjtin mendim për linjën e politikës së jashtme e kishin 66% e të anketuarve. (ATSH)
