Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zgjedhjet e përgjithshme në Serbi mbahen me tre prill dhe shqiptarët e Kosovës Lindore si zakonisht do të marrin pjesë për të zgjedhur përfaqësuesit e vet në Kuvendin dhe institucionet e Serbisë. Për dallim nga zgjedhjet e vitit 2020, kur shqiptarët e Preshevës, Bujanovcit e Medvegjës u paraqitën me një listë të përbashkët, në zgjedhjet e 3 prillit shqiptarët kanë: Koalicionin e Shqiptarëve të Luginë dhe Alternativën për Ndryshim. Deputeti shqiptar në parlamentin e Serbisë, tani bartës i listës Koalicioni i Shqiptarëve të Luginës, Shaip Kamberi, tha se zgjedhjet parlamentare në Serbi gjithmonë kanë qenë sfidë për partitë politike shqiptare atje. Fatkeqësisht, kësaj radhe nuk kemi një listë të përbashkët, por votojmë me dy lista të ndara. Ne synojmë të kemi tri mandate në Parlamentin e Serbisë dhe ligji e mundëson këtë, por ne nuk po e shfrytëzojmë. Qeveria e Serbisë ka vendosur që një pjesë e serbëve të Anamoravës, nga ana e Kosovës, të votojnë në Bujanoc, dhe kjo mund të ndikojë në destabilizimin e Bujanocit. Nuk e kuptoj pse qeveria e Serbisë i ka sjell serbët të votojnë pikërisht këtu, e jo në vendbanime serbe. Kjo mund ta rëndojë situatën këtu, në ditën e zgjedhjeve. Shaip Kamberi kritikoi qeverinë serbe edhe për pasivizimin e adresave të shqiptarëve, pasi kjo ka ndryshuar strukturën e banimit në Bujanoc dhe kjo do të ndikojë edhe në përfaqësimin rajonal dhe qendror të shqiptarëve në këtë lokalitet.
