Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shqiptarët në qeverinë e Malit të Zi do të marrin zëvendës-kryeministrin, tre ministri dhe nënkryetarin e Kuvendit. Në një intervistë për Euronews Albania, Nik Gjeloshaj kryetar i “Forumit Shqiptar” sqaroi nga Tuzi se zëvendës-kryeministri do të jetë i lidhur me ministrinë e Zhvillimit Ekonomik, ndërsa koalicioni tjetër “Shqiptarët” do të ketë ministrinë e ‘Të Drejtave të Pakicave dhe të Drejtave të Njeriut’. Ndërkaq, çështja e nënkryetarit të parlamentit iu takon pakicave. “Mandatin e kaluar iu takoi boshnjakëve dhe mendoj që kësaj here duhet t’ju takojë shqiptarëve. Sa i përket Forumit Shqiptar nuk e kemi ndarë kush do t’i marrë ministritë, presim që të organizojmë një mbledhje të kryesisë, por do të vendoset se kush personalisht do t’i mbulojë këto pozita e këto përgjegjësi në këtë kohë shumë të vështirë”, u shpreh Gjeloshaj.
