Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Qytetari i Kosovës, Nezir Mehmetaj, që nga janari i këtij viti vazhdon të qëndrojë në paraburgim në Serbi, si i dyshuar për krime lufte nga autoritetet serbe. Vëllai i tij, Valon Mehmetaj thotë se ndryshimet në skenën politike po ndikojnë në rastin e Nezirit dhe përpjekjet për kthimin e tij në Kosovë. Gjykata në Beograd ia vazhdoi paraburgimin për tre muaj, derisa mbrojtja është duke pritur vendimin e Apelit pas ankesave që ka bërë. Avokati i Mehmetajt, Ahmed Delimegjac, thotë se ai po mbahet në paraburgim për muajin e tretë pa asnjë provë. Tutje ai shtoi se duke marrë parasysh rrjedhën e procedurave të deritanishme, nuk është optimist që Mehmetaj do të lirohet në këtë kohë. E provën kryesore që, sipas tij, dëshmon për pafajësinë e Mehmetajt, Prokuroria në Beograd po e fsheh.
