Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sindikata e Policisë së Kosovës ju ka bërë thirrje urgjente akterëve shtetëror që sa më parë të bëhet sigurimi shëndetësor për pjesëtarët e policisë. Drejtues të kësaj sindikate kanë thënë se çështja e sigurimit shëndetësor është ngritur prej kohësh, por se institucionet nuk kanë arritur të ofrojnë zgjidhje konkrete. ”Sindikata i drejtohet Qeverisë së Kosovës me kërkesën që të ndërmerren masa të menjëhershme për sigurimin e mbështetjes shëndetësore për policët. Kjo kërkesë vjen si pasojë e një vetaksidenti të fundit, ku një automjet policor pësoi aksident, duke lënë të lënduar tetë zyrtarë policorë. Ngjarje të tilla, që po përsëriten shpesh, theksojnë mungesën e një mbulimi të duhur shëndetësor për ata që çdo ditë përballen me rreziqe të larta në shërbim të vendit”, thuhet në komunikatën e sindikatës.
