Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-prokurori amerikan Jack Smith, i njohur për hetimet kundër ish-presidentit Donald Trump, është përfshirë në një tjetër polemikë serioze, pas raportimeve se ka paguar dëshmitarë gjatë proceseve hetimore në SHBA. Megjithatë, sipas Klan Kosovës, mbetet e paqartë nëse praktika e njëjtë është ndjekur edhe në procesin gjyqësor ndaj katërshes së UÇK-së në Dhomat e Specializuara në Hagë. Raportohet se askush nuk po i heton dyshimet nëse Jack Smith ka paguar dëshmitarë të rrejshëm apo ka ndikuar financiarisht dëshmitarë edhe në rastin që po zhvillohet kundër ish-krerëve të Ushtrisë Çlirimtare të Kosovës. Në Dhomat e Specializuara nuk dihet se cili institucion apo mekanizëm mbikëqyrës ka kompetencë të hetojë raste të tilla, çka ngrit shqetësime serioze për transparencën, integritetin e procesit dhe barazinë para ligjit. Këto dyshime rrezikojnë të minojnë besueshmërinë e të gjithë procesit gjyqësor në Hagë, ndërkohë që opinioni publik në Kosovë kërkon përgjigje të qarta: a janë përdorur dëshmitarë të blerë edhe në rastin e UÇK-së dhe kush do të mbajë përgjegjësi nëse kjo vërtetohet? Deri më tani, as Zyra e Prokurorit të Specializuar dhe as vetë Jack Smith nuk kanë dhënë ndonjë reagim publik lidhur me këto pretendime.
