Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot do të zhvillohet seanca gjyqësore për ish kryeministrin Sali Berisha, ndaj të cilit Gjykata ka caktuar masën ‘detyrim paraqitje’ për çështjen e kompleksit Partizani. Ai do të merret në pyetje sot në orën 14:oo. Dje zbarkuan oficerët e policisë Gjyqësore për t’i komunikuar masën, por Berisha nuk ndodhej në banesë. Berishës i është caktuar masa “detyrim paraqitje” dhe i është bllokuar pasaporta, pas akuzave për dosjen e privatizimit të ish-kompleksit sportiv “Partizani”. Sali Berisha dyshohet për korrupsion pasiv të funksionarëve në bashkëpunim. Veç tij, Gjykata e Posaçme vendosi detyrim paraqitje edhe për biznesmenin Fatmir Bektashi, ndërsa ra në pranga dhëndri i Berishës, Jamarbër Malltezi. Vendimet u dhanë dy ditë më parë, ndërsa Berisha si gjithnjë e konsideron një komplot të SPAK-ut në bashkëpunim me kryeministrin, Edi Rama.
